«Қувонч кўз ёшлари юзи» ёки «йиғлаб кулаётган юз» эможиси ўзбекистонликлар Тwиттер ижтимоий тармоғида энг кўп ишлатиладиган эможи деб топилди. Бу ҳақда Crossword-Solver нашри маълум қилди.

Тадқиқотларга кўра, Марказий Осиё давлатлари, хусусан, Ўзбекистон ва Қирғизистон мазкур эможи жуда кўп фойдаланиши аниқланган.

Шунингдек, Эрон, Озарбойжон, Ироқ, Туркия каби мамлакатларда яшовчилар ҳам ижтимоий тармоқда кўп «кулади».

Туркманистон ва Тожикистон аҳолиси ўзининг давлат байроғи тасвирланган эможидан кўп фойдаланади. Буни ватанпарварлик ва мазкур мамлакатлардаги авторитар тузум билан боғлаш мумкинлиги айтилмоқда.

Ўзбекистонга шимол ва шимоли-шарқда чегарадош Қозоғистонда эса пушти рангли юракча эможиси оммалашган.