Тошкент шаҳрининг Чилонзор ва Шайхонтоҳур туманларининг баъзи жойларида 11 октябрь куни газ таъминоти вақтинча тўхтатилди. Бу ҳақда «Ҳудудгаз Пойтахт» хабар берди.

Қайд этилишича, Чилонзор тумани Олмазор кўчасида жойлашган газ қувурини хавфсиз жойга кўчириш ишлари режалаштирилган. Шу сабабли 11 октабрь куни соат 10:00 дан 18:00 га қадар «Катта олмазор», «Бешёғоч» маҳаллаларида, Шайхонтоҳур тумани, Алишер Навоий кўчасидаги 380 та кўп қаватли хонадонларда ҳамда ушбу манзиллардаги 17 та улгуржи ташкилотларда газ таъминоти вақтинчалик тўхтатилади.

Шундан:

• Давлат ташкилоти-5 та
• Спорт мажмуаси-4 та
• Умумий овқатланиш шохобчаси-4 та
• Нонвойхона-3 та
• Савдо мажмуаси-1 та.

«Ҳудудгаз Пойтахт» газ таъминоти филиали таъмирлаш ишлари туфайли етказилаётган ноқулайликлар учун табиий газ истеъмолчилардан узр сўрайди.