2022 йил 7-18 октябр кунлари Германиянинг «Lernidee Erlebnisreisen» туристик компанияси ва «Ўзбекистон темир йўллари» АЖ ҳамкорлигида халқаро туризмни ривожлантириш мақсадида Олмаота – Тошкент – Қамаши – Китоб – Самарқанд – Хива – Бухоро – Хўжанд – Тошкент йўналишида «Orient Silk Road Express» номли туристик чартер поезди йўлга чиқади.

«Ўзбекистон темир йўллари» матбуот хизматига кўра, мазкур туристик чартер поезди Европа Иттифоқи ва бошқа бир неча давлатлар саёҳатчилари учун ташкиллаштирилган бўлиб, унда, жумладан, Франция, Голландия, Белгия, АҚШ, Германия, Австрия, Буюк Британия ва Канада давлатларидан келган сайёҳларга хизмат кўрсатилади.