Ўзбекистон МДҲ давлатлари орасида доимий аҳоли сонининг фоиздаги улуши бўйича учинчи ўринни эгаллади. Бу ҳақда Давлат статистика қўмитаси хабар берди.

Қўмитаси маълумотларида айтилишича, 2022 йилнинг 1 январь ҳолатига республикадаги доимий аҳоли сони 35,3 млн. кишини ташкил этган.

Таҳлилларга кўра, 2022 йил 1 январь ҳолатига Ўзбекистон МДҲ давлатлари орасида доимий аҳоли сонининг фоиздаги улуши бўйича учинчи ўриндан жой олган — 11,9 %. Бу борада етакчилик қилаётган Россияда бу улуш 51,3 % тенг.

МДҲ давлатларида доимий аҳоли сонининг фоиздаги улуши қуйидагича кўриниш олди:

— Россия –51,3 %;

— Украина – 14,6 %;

— Ўзбекистон – 11,9 %;

— Қозоғистон – 6,5 %;

— Озарбайжон – 3,5 %;

— Беларус – 3,3 %;

— Тожикистон – 3,2 %;

— Қирғизистон – 2,3 %;

— Туркманистон – 1,5 %;

— Арманистон – 1,0 %;

— Молдова – 0,9 %.