2022 йил 6 октябрь соат 09:00 дан 7 октябрь соат 09:00 гача «Қозиғурт» (Қозоғистон) ва унга туташ Тошкент вилояти Қибрай туманида жойлашган «С.Нажимов» (Ўзбекистон) ўтказиш пункти фуқаролар ва автотранспорт воситаларининг ўтиши учун ёпилди.

Ўзбекистон Давлат божхона қўмитасига кўра, ўтказиш пунктида «Ўзтрансгаз» акциядорлик жамияти томонидан ҳар икки давлатнинг назорат-ўтказиш пунктлари ўртасидан ўтувчи газ қувурларини гидравлик синовдан ўтказиш ишлари амалга оширилади.

Қозоғистон—Ўзбекистон чегарасидаги бошқа назорат-ўтказиш пунктлари одатдагидек ишлашда давом этиши қўшимча қилинган.