Ўзбекистон футзал терма жамоаси Кувайтда ўтаётган Осиё Кубогида муваффақиятли юришини давом эттирмоқда.

Чоракфинал босқичида Ўзбекистон мезбон мамлакат жамоасига қарши баҳс олиб борди. Учрашувда Баҳодир Аҳмедов шогирдлари 3:0 ҳисобида ғалаба қозониб, яримфинал босқичига йўл олди. Голларга Анасхон Раҳматов, Даврон Чориев, Ҳусниддин Нишонов муаллифлик қилди.

Терма жамоа эндиликда 6 октябрь куни яримфиналда Японияга қарши саф тортади. Учрашув Тошкент вақти билан 19:00 га белгиланган.

Иккинчи ярим финалда Таиланд ва Эрон ўзаро куч синашади.