Ўзбекистонда 20 ёшгача бўлган қизларнинг 372 нафари никоҳдан ажрашган.

Давлат статистика қўмитасининг хабар беришича, 2022 йилнинг январь-август ойларида ёш тоифасида никоҳдан ажрашганлар сони 20 ёшгача бўлган аёлларда – 372 нафар, эркакларда – 8 нафарни ташкил қилган.

Мазкур кўрсаткич 20-30 ёш атрофидаги аёлларда – 15 110 нафар, эркакларда – 9 147 нафарга тенг бўлган. 31-40 ёшли аёллар ўртасида ажрашиш кўрсаткичи — 10 522 нафарни, эркакларда – 13 287 нафарни ташкил этган.

Қолган ёш тоифадагиларда кўрсаткич қуйидагича:

41-50 ёш: аёллар – 3 530 нафар, эркаклар – 5 093 нафар;

51 ёш ва ундан катталар: аёллар – 3 091 нафар, эркаклар – 5 090 нафар.