Жорий йилнинг 6-13 октябрь кунлари Тошкентда дзюдо бўйича соврин жамғармаси 1 млн евро бўлган жаҳон чемпионати ўтказилади. Беллашувларнинг пойтахтдаги Humo Arena саройида бўлиб ўтиши режалаштирилган.

Умумий мукофот жамғармаси 1 млн еврони ташкил қилувчи XXXV жаҳон чемпионатида дунёнинг 87 давлатидан жами 584 нафар дзюдочи 14 та вазн тоифасида медаллар ҳамда Париж-2024 Олимпиадасининг қимматли рейтинг очколари учун татамига чиқишади.

Мусобақада иштирок этувчи барча мамлакатлар терма жамоалари, халқаро ташкилотлар делегациялари пойтахтимизга етиб келишган.