Марк Цукерберг бу ҳақда онлайн тақдимотда айтиб ўтди. Компания дастурлари номлари эса ўзгаришсиз қолади.

Цукерберг янги бренд компаниянинг бош мақсади – метакоинотни ҳаётга татбиқ этишини қўшимча қилган. Унинг айтишича, Meta бизнеси марказида Facebook ижтимоий тармоғи эмас, балки “виртуал метакоинот” бўлади. Шу сабабли Meta фойдаланувчиларига компаниянинг бошқа сервисларидан фойдаланиш учун эндиликда Facebook ижтимоий тармоғи керак бўлмайди.

“Метакоинот – интернет тараққиётининг янги босқичи. Унинг асосий мақсади одамларни бирлаштириш, уларга мулоқот қилишда ёрдам беришдир”, деб таъкидлаб ўтган Цукерберг.