Тошкент шаҳар Яшнобод тумани «М.Aшрафий» кўчасида жойлашган ошхоналарнинг бирида бугун, 28 сентябрда ёнғин содир бўлди.

ФВВ матбуот хизматининг ёзишича, 4 та ёнғин-қутқарув экипажи соат 10:12 да воқеа жойига етиб бориб, ёнғин соат 10:29 да қуршаб олинган ва соат 10:41 да бартараф этилган.

Ёнғин натижасида ошхонанинг тахминан 100 кв.м. майдонда том қисми ёниб зарарланган.

Ҳодиса оқибатида тан жароҳати олиш ва ҳалок бўлиш ҳолатлари қайд этилмади.

Ҳозирда ёнғинни келиб чиқиш сабаби ва моддий зарар миқдори аниқланмоқда.