Ўзбекистонда 2022 йилнинг январь-август ойларида жами 3 308,6 минг нафар фуқаролар туристик мақсадларда республикадан чиқиб кетган.

Давлат статистика қўмитасининг хабар беришича, ушбу кўрсаткични 2021 йилнинг мос даврига нисбатан таққослаганда (2021 йилда 1 227,7 минг нафар) 2 080,8 минг нафарга ёки 2,7 мартага ошганини кузатиш мумкин.

Ушбу кўрсаткичнинг давлатлар кесимида тақсимланиши қуйидагича:

• МДҲ давлатлари – 2 888,6 минг нафар;
• Туркия – 206,8 минг нафар;
• БАА – 73,7 минг нафар;
• Саудия Арабистони – 50,2 минг нафар;
• Миср – 27,1 минг нафар;
• Жанубий Корея – 13,3 минг нафар;
• АҚШ – 10,2 минг нафар;
• Ҳиндистон – 6,7 минг нафар;
• Грузия – 6,4 минг нафар;
• Кувайт – 6,3 минг нафар;
• Германия – 3,7 минг нафар;
• Латвия – 3,0 минг нафар;
• Буюк Британия – 2,9 минг нафар.

Аввалроқ Ўзбекистонга 2022 йилнинг январь—август ойларида 3 миллион нафар чет эл фуқаролари туристик мақсадларда ташриф буюргани ҳақида маълумот берилганди.