Кеча, 18 сентябрь куни ижтимоий тармоқларда Наманганда мактаб олдидаги ариқдан қон оқаётгани ҳақида хабар тарқалди. Вилоят ФВБ ҳолатга муносабат билдирди.

Маълум қилинишича, Наманган шаҳар Ички ишлар бошқармаси ва Фавқулодда вазиятлар бўлими ходимлари томонидан воқеа жойи яъни «Янги Наманган» тумани, «Ишонч» маҳалла фуқаролар йиғини, Ғазина кўчасида ўрганиш ўтказилган. Натижада шу кўчада жойлашган кушхонадан чиққан чиқинди сув канализация тармоғидан тошиб кўчадаги ариққа қўйилаётганлиги аниқланган.

Ҳолатни бартараф этиш юзасидан ишлар ташкиллаштирилган.