“Oyina.uz” портали Журналистлар ижодий уюшмаси, Ёзувчилар уюшмаси, Олий ва ўрта махсус таълим вазирлиги, Халқ таълими вазирлиги билан биргаликда Ўзбекистон Республикаси Давлат мадҳиясининг 30 йиллиги муносабати билан ютуқли викторина эълон қилади! Сиз ушбу танловда қатнашиб,  Iphone 14 Pro Max ва 5 та смартфондан бирининг эгасига айланишингиз мумкин!

Танлов икки босқичда ўтказилади. Биринчи босқичда @oyinauz_tanlovbotʹга кириб, махсус ҳаволани олишингиз керак бўлади. Ушбу ҳавола ёрдамида яқинларингизни викторинага таклиф қилиш орқали иккинчи босқичга йўл олишингиз мумкин.

Танловнинг биринчи босқичи 7 декабрь соат 23:00 гача давом этади.

Иккинчи босқичда эса 30 та тест саволига энг биринчи ва тўғри жавоб берган иштирокчилар ғолибликни қўлга киритади!

Саволлар Ўзбекистон Республикаси Давлат рамзлари – байроқ, герб, мадҳия, конституция; Президент асарлари, хусусан, “Янги Ўзбекистон тараққиёт стратегияси” китоби; шунингдек, миллий давлатчилигимиз тарихи, миллий маданият ва қадриятларимиз; “Oyina.uz” порталида эълон қилинган мақолалар асосида тузилади.

Низомга кўра, викторинада Республика Маънавият ва маърифат маркази тизимида ишлаётган ходимлар ҳамда уларнинг яқин қариндошлари, шунингдек, “Oyina.uz” танловларида илгари ғолиб бўлган шахслар қатнашиши мумкин эмас.

Эслатиб ўтамиз, викторинага дўстларини энг кўп жалб қилган 100 нафар иштирокчигина иккинчи босқичга ўта олади. Шундай экан, шошилинг! Oyina.uzʹда билимингиз билан ғалаба қозонинг!