Ўзбекистон Республикаси Туризм ва маданий мерос вазирлиги томонидан Ўзбекистонда ёшлар туризмини ривожлантириш, вилоят ва шаҳарларнинг туристик салоҳиятини кенг тарғиб қилишга қаратилган видеороликлар танлови эълон қилинди.

Танлов доирасида иштирокчилар, ўзларининг ижтимоий тармоқлардаги саҳифаларида #yoshlartravel, #uzbtravel #uzbekistantravel #TITF_2022 ҳештеглари билан эълон қилинган видео материалларни жойлаштиради. Ғолиблар ижтимоий тармоқларда (Фейсбук, Инстаграм, ТикТок) жойлаштирилган видео материалларга тўпланган «like»лар сони бўйича аниқланади. Танлов 2022 йил 15 сентябрдан 15 октябрга қадар ўтказилади.

Иштирокчилар ижтимоий тармоқда жойлаштираётган видеороликлари бўйича қуйида келтирилган ижтимоий тармоқларидаги саҳифаларига (Instagram – @uzb_travel, Facebook – Uzbekistan Travel va Tiktok – uzb.travel) обуна бўлишлари лозим.

Танловда ҳар бир ижтимоий тармоқ бўйича (Фейсбук, Инстаграм, ТикТок) 1 нафардан ғолиблари аниқланади ва умумий ҳисобда 3 та иштирокчига ташкилотчилар томонидан ғолиблик сертификати ва ноутбук (i5/15.6 FHG/8GB DDR4 3200/SSD 256GB litsenziyalangan windows 10) топширилади.

 Ғолибларни тақдирлаш маросими 2022 йил 30 ноябрдан 2 декабрга қадар бўлиб ўтадиган Ипак йўлидаги туризм-2022 27-Тошкент халқаро туризм ярмаркаси доирасида ўтказилади.

 Ушбу ҳавола орқали Танлов Низоми билан танишиб чиқишингиз мумкин.