Xabaringiz bor, 5-iyul kuni kompaniya navbatdagi savdo shartnomalarini qabul qilishi lozim edi.

Maʼlum boʻlishicha, savdo.uzavtosanoat.uz sayti orqali bugun, soat 13:57da 14 250 dona Chevrolet Cobalt avtomobili xaridi uchun onlayn kontraktatsiya jarayoni yakuniga yetgan.

Bunda 14 209 ta avtomobil jismoniy, 41 tasi yuridik shaxslar tomonidan sotib olingan.

Kompaniya bergan axborotiga koʻra, onlayn kontraktatsiya jarayonida UzAutoSavdo tizimida 5 000 dan ortiq kiberhujum amalga oshirilgan. Biroq hech qanday salbiy natija kuzatilmagan. Kompaniya mutaxassislari tomonidan ularning oldini olingan.