Avvalroq ijtimoiy tarmoqlarda ikki yigitning metroda notanish qizga shilqimlik qilgani aks etgan video tarqalib, keng muhokamalarga sabab boʻlgandi.

Videodan yigit yonidagi qizning qoʻlini atayin bir necha bor ushlaganligini koʻrish mumkin. Holat yuzasidan IIV matbuot xizmati rasmiy maʼlumot berdi. Unga koʻra, videodagi yigitlarning shaxsi aniqlanib, ular bilan profilaktik suhbat oʻtkazilgan.

“Aybdorman, bu ishni qilganimizdan, toʻgʻrisi, afsusdamiz. Kechirim soʻrayman”, — deydi ulardan biri.

 

Ularga nisbatan MJtKning 41-1-moddasi (shahvoniy shilqimlik qilish) va 46-1-moddasi (shaxsiy hayot daxlsizligini buzish) bilan bayonnoma rasmiylashtirilib, chora koʻrish uchun sud organlariga yuborilgan.