Toshkent shahrida jamoat transportida vaqtga biriktirilgan differensial tarif rejalari joriy etilishi (2023-yil 1-maydan) kutilmoqda.

Bunda:

bir martalik toʻlov, agar naqd boʻlsa, 2000 soʻm, elektron toʻlovda esa 1800 soʻm boʻlishi rejalashtirilmoqda;

bir soat ichida avtobusdan avtobusga birinchi marta oʻtish 70 foizgacha arzonlashadi;

ikkinchi va keyingi oʻtishlar yoʻlovchi uchun bepul boʻladi;

avtobusdan metroga yoki metrodan avtobusga oʻtishda tarif 30 foizgacha arzonlashadi.

Jamoat transportidan kunlik faol foydalanuvchilar uchun bir kunlik limitsiz tariflar (6 ming soʻm) joriy etiladi.

Bundan tashqari 5, 10, 15, 20 kunlik hamda 1 oylik qisqa muddatli tariflar (avtobus, avtobus+metro) joriy etilishi koʻzda tutilgan.