“Oʻzbekiston sportchilarining navbatdagi yozgi va qishki olimpiya va paralimpiya oʻyinlarida muvaffaqiyatli ishtirok etishi uchun tayyorgarlik ishlarini jadallashtirish toʻgʻrisida”gi Oʻzbekiston Respublikasi Prezidentining qarori eʼlon qilindi. Bu haqida OʻzA xabar berdi.

Qarorga koʻra, 2024-yil Parij shahrida (Fransiya) boʻlib oʻtadigan XXXIII yozgi Olimpiya va XVII Paralimpiya oʻyinlarida gʻolib va sovrindor boʻlgan Oʻzbekiston sportchilari quyidagi miqdorda bir martalik pul mukofoti bilan ragʻbatlantiriladi:

oltin medal uchun – 200 000 AQSH dollari;

kumush medal uchun – 100 000 AQSH dollari;

bronza medal uchun – 50 000 AQSH dollari;

Mazkur xarajatlar Davlat byudjeti mablagʻlari hisobidan qoplanadi.