Bu haqda reuters.com xabar bermoqda.

G‘arb davlatlari Afg‘onistondan odamlarni evakuatsiya qilishga har qachongidan shoshilmoqda. Chunki mamlakatdan chet el qo‘shinlarini olib chiqish muddati – 31-avgustga yaqin qolmoqda. Ko‘pchilik Tolibon hukmronligi ostidagi noaniq taqdirga tushib qolishdan qo‘rqadi.

Toliblar poytaxt Kobulni egallagan (14-avgust)dan buyon Amerika Qo‘shma Shtatlari va uning ittifoqchilari 70 000 dan ortiq odamni, jumladan, o‘z fuqarolari, NATO xodimlari hamda xavf ostida qolgan afg’onlarni evakuatsiya qildi.

AQSH Prezidenti Jo Baydenning aytishicha, Afg‘onistondagi Amerika qo‘shinlari katta xavf ostida. Yordam agentliklari Afg‘onistonda qolganlar uchun gumanitar inqiroz yaqinlashayotgani haqida ogohlantirdi.