Samarqandda “Bir million dasturchi” loyihasida birinchi oʻrinni olgan oʻquvchiga ishlatilgan noutbuk sovgʻa qilingani toʻgʻrisida xabar berilgandi. Samarqand viloyati hokimi Erkinjon Turdimov Nuroboddagi eski noutbuk masalasiga munosabat bildirdi, deya xabar bermoqda zarnews.

- Mana shu masalani koʻtarib chiqqan jurnalist va blogerlarga rahmat. Bundan rahbarlar xulosa qilishi kerak. Tanqid qilgan odamni yomon koʻrish kerak emas, koʻtarilgan muammoni hal etishi lozim.

Tanlovni oʻtkazishga masʼuliyatsizlik bilan yondashgani uchun tuman hokimining yoshlar siyosatiga masʼul oʻrinbosariga dastlab hayfsan, berilgandi. Ammo kecha vazifasidan ozod etdik.

Bunday tadbirlarni soxta obroʻ orttirish, kimlargadir yaxshi koʻrinish uchun oʻtkazmaslik kerak, - degan Erkinjon Turdimov.