2022-yil 1-fevraldan boshlab taʼlim tili rus tili boʻlmagan umumtaʼlim muassasalar (sinflar)da faoliyat yuritayotgan kamida S1 va undan yuqori darajadagi milliy yoki unga tenglashtirilgan mos darajadagi xalqaro tan olingan sertifikatga ega rus tili fani oʻqituvchilariga 50% miqdorida ustama toʻlanadi. Bu haqida Xalq taʼlimi vazirligi axborot xizmati xabar bermoqda.

Maʼlum qilinishicha, mazkur sertifikatlar uchun ustama toʻlovlarini olingan kundan boshlab, faqatgina ikki yil davomida amalga oshirish belgilangan.

Ushbu ustamalarning oʻz vaqtida toʻlab borilishini taʼminlash boʻyicha hududiy xalq taʼlimi boʻlinmalariga vazirlikning koʻrsatmasi berildi.