Bolalarni davlat maktabgacha taʼlim tashkilotlariga qabul qilish xizmati vaqtinchalik toʻxtatiladi. Bu haqida Davlat xizmatlari agentligi xabar bermoqda.

Maʼlum qilinishicha, Oʻzbekiston Respublikasi Maktabgacha taʼlim vazirligi tomonidan davlat maktabgacha taʼlim tashkilotlarida taʼlim jarayonini boshqarish hamda bolalarni qabul qilish va navbatga qoʻyish boʻyicha elektron tizimning yangi talqini joriy etilayotgani sababli bolalarni davlat maktabgacha taʼlim tashkilotlariga qabul qilish xizmati vaqtinchalik (17-yanvardan 1-fevralga qadar) koʻrsatilmaydi.