“Uzbekistan Airways”ning yoʻlovchi samolyoti Minsk milliy aeroportidagi uchish-qoʻnish yoʻlagidan chiqib ketdi. Bu haqida “Minsk Airport” matbuot xizmati xabar berdi.

Qayd etilishicha, Toshkent—Minsk yoʻnalishi boʻyicha parvozni amalga oshirgan Airbus A-320 samolyoti kuchli qor va boʻron oqibatida Minsk milliy aeroportiga muvaffaqiyatli qoʻnishni amalga oshirgan, biroq boshqaruv vaqtida uchish-qoʻnish yoʻlagidan chiqib ketgan.  Samolyot bortida 115 nafar yoʻlovchi boʻlgan. Hodisa oqibatida samolyotga va yoʻlovchilarga zarar yetmagan.

Taʼkidlanishicha, hodisa joyida favqulodda xizmatlar faoliyat olib bormoqda.