Nyu-York universiteti qoshidagi Grossman tibbiyot dargohi olimlari koronavirus infeksiyasi keksa odamlarning miyasiga Alsgeymer kasalligidan ham koʻproq zarar yetkazishi mumkinligini aniqladi.

«Natijalarimiz shuni koʻrsatadiki, COVID-19 bilan kasalxonaga yotqizilgan bemorlar va ayniqsa oʻtkir infeksiya paytida nevrologik alomatlar bilan kasallangan bemorlarda miya shikastlanishi belgilari Alsgeymer kasalligi bilan bir xil yoki undan yuqori boʻlishi mumkin», degan tadqiqot mualliflaridan biri, doktor Jennifer Fronter.

Tadqiqot 2020-yilning martidan may oyigacha davom etgan va unda  251 nafar keksa bemorlarning maʼlumotlari tahlil qilingan. Qayd etilishicha, ushbu bemorlarda koronavirus bilan kasalxonaga yotqizilishidan oldin kognitiv pasayish yoki demans belgilari kuzatilmagan.