Emlanganlik sertifikatini olgan fuqarolar oʻrtasida oʻtkaziladigan yutuqli oʻyinga bosh sovrin qilib avtomobil qoʻyildi. Bu haqida Sogʻliqni saqlash vazirligi axborot xizmati xabar bermoqda.

Qayd etilishicha, 2022-yilning yanvar, fevral va mart oylarida emlanganlik sertifikatini olgan fuqarolar oʻrtasida qimmatbaho yutuqli oʻyin (bosh sovrin — avtomobil) tashkil etiladi.

Shuningdek, vazirlik tadbirkorlar va ish beruvchilarga murojaat qilib, xodimlarning 2022-yil 20-yanvarga qadar koronavirusga qarshi emlanishni taʼminlashni hamda sababsiz emlanmaganlarni ishga qoʻymaslik choralarini koʻrishni soʻradi.