“Samarqand davlat universiteti faoliyatini yanada takomillashtirishga doir qoʻshimcha chora-tadbirlar toʻgʻrisida”gi Oʻzbekiston Respublikasi Prezidentining qarori qabul qilindi. Unga koʻra, universitetda qator oʻzgarishlar qilinishi koʻzda tutilgan.

Jumladan, “Samarqand davlat universitetiga atoqli davlat va jamoat arbobi Sharof Rashidov nomi berilsin”, deyiladi qarorda.

Eslatib o'tamiz, universitet 1961-yildan Alisher Navoiy nomidagi Samarqand davlat universiteti deb atalgan. 2016-yil esa hukumat qaroriga ko'ra, Alisher Navoiy ism-sharifi olib tashlanib,  “Samarqand davlat universiteti” deb yuritila boshlangan edi.