Дунёнинг энг кекса президенти, 92 ёшли Поль Бийя янги етти йиллик муддатга Камерун президенти сифатида сайланди. Бу унинг ҳокимиятда 100 ёшгача қолиши имконини беради.

Сайловларда Бийя 53,66% овоз билан саккизинчи марта Камерун раҳбарига айланди.

Маълумот учун, Камерун Марказий Африкадаги 28 млн аҳолига эга мамлакат саналади. У Атлантика океанига чиқиш имкониятига эга бўлиб, нефть, газ, ўрмон, қаҳва, какао ва бошқа фойдали минералларига эга.

Унинг потенциал кучли рақиби, мухолифат етакчиси Мориса Камто июль ойида бўлиб ўтадиган сайловлардан четлаштирилган. Ушбу қарор Конституцион суд томонидан тасдиқланган. Бироқ уни мамлакат аҳолиси рақибни йўқ қилиш учун хийла деб баҳолаган.

2018 йилги сайловлардан сўнг Камто ўз ғалабасини эълон қилиб, оммавий намойишлар уюштирган эди.

Поль Бийя дунёнинг энг кекса президенти бўлиб, у ушбу лавозимни 40 йилдан кўпроқ муддатдан буён эгаллаб келмоқда. 2008 йилда у президентлик муддати бўйича чекловни бекор қилган. Бу эса унинг ҳокимиятда чексиз муддат қолиш имконини яратган.