
Ilm-fan
Ma’lumki, epidimologik vaziyat tufayli mamlakatimizdagi professional ta’lim muassasalari, akademik lisey hamda umumta’lim maktablari uchun qishki ta’til muddati 2022-yil 24-yanvarga qadar uzaytirildi. Shu munosabat bilan ta’lim maskanlari tomonidan ta’tilni mazmunli o‘tkazish bo‘yicha muayyan choralar ko‘rilmoqda.
Xususan, O‘zbekiston davlat xoreografiya akademiyasi rahbariyati ham talabalarni ta’til davrida vaqtini mazmunli o‘tkazish uchun onlayn tadbirlarni yo‘lga qo‘ydi. "San’at nazariyasi va tarixi" kafedrasi qoshidagi "Yosh san’atshunos" to‘garagi tashabbusi bilan intellektual viktorina o‘tkazildi. Unda O‘zDXA va akademiya Urganch filialining talabalari ishtirok etib, kafedraning professor-o‘qituvchilari tomonidan berilgan savollarga javob berishdi.
Viktorinada Prezidentning sohaga oid qaror va farmonlari, o‘zbek milliy raqs san’ati asoschilari, ilk o‘zbek baleti, o‘zbek kompozitorlari, raqqos, raqqosalar hayot va ijodiga oid savollar berildi. Eng ko‘p to‘g‘ri javoblar yo‘llab, faol ishtirok etgan talabalar pul mukofoti bilar taqdirlandi.
– Ta’tilning asosiy qismi o‘tib, dars jarayoniga kirishish pallasida ta’til yana uzaytirilishi biroz ko‘nglimizni cho‘ktirgan bo‘lsa, turli viktorinalar va mahorat darslari bizni tezda bilimlarni mustahkamlashga chorladi, – deydi "San’atshunoslik" ta’lim yo‘nalishi 2 kurs talabasi, viktorina g‘olibi Zoir O‘roqov. – Bu kabi intellektual viktorinalar, onlayn darslar bizning bilimlarimizni sinovdan o‘tkazadi va tezkorlikka chorlaydi.
Siyosat
Siyosat
Siyosat
Jamiyat
Siyosat
Jamiyat
Jamiyat
Jamiyat
Jamiyat
Jamiyat
//
Izoh yo‘q