Rossiya “Sibir” aviakompaniyasining Moskva – Qarshi yoʻnalishida SB-I3313 reysini amalga oshirayotgan samolyot soat 01:42 da Urganch xalqaro aeroportiga favqulodda qoʻngan.

Qayd etilishicha, bunga yoʻlovchilardan biri – Tojikiston fuqarosi tez tibbiy yordamga muhtoj boʻlgani sabab boʻlgan. Dastlabki maʼlumotlarga koʻra, erkak appenditsit boʻlishi taxmin qilingan. Shu bois ekipaj samolyotni eng yaqin aeroportga qoʻndirishga qaror qilgan.

«Samolyot аeroportga qoʻngach, yoʻlovchi tez yordam mashinasida Urganch shahridagi tibbiyot muassasasiga yetkazilgan. S7 Airlines samolyoti esa mahalliy vaqt bilan 02:31 da Qarshiga uchdi», deyiladi xabarda.