Bugun, 8-yanvar kuni Navoiy viloyati Ma’naviyat va ma’rifat markazi tomonidan O‘zbekiston Respublikasi Qurolli Kuchlari tashkil etilganligining 30 yilligi hamda Vatanparvarlik oyligi munosabati bilan ma’naviy-ma’rifiy bayram tashkil etildi.

Unda viloyat Mudofaa boshqarmasi va uning tarkibidagi harbiy qismlar, Ichki ishlar liseyi o‘quvchi-yoshlari, harbiy orkestr, Milliy gvardiya boshqarmasi, Turizm va sport boshqarmasi, Madaniyat boshqarmasi, O‘zbekiston filarmoniyasi viloyat bo‘linmasi hamda boshqa hamkor tashkilotlar xodimlari ishtirok etdi.

Tadbirni viloyat Ma’naviyat va ma’rifat bo‘limi rahbari A.Muqimov ochib berdi. Hamkor tashkilotlar vakillarining tabrigidan so‘ng konsert dasturi namoyish etildi. Harbiy qism askarlarining jangovor chiqishlari barchada qiziqish uyg‘otdi.