"Ufa" klubi 20 yoshli yarimhimoyachini sotib olish huquqi bilan kelgusi yilning iyun oyiga qadar ijaraga olish bo‘yicha "Spartak" bilan kelishuvga erishdi. O‘runov Boshqirtiston klubida shartnomada keltirilgan ma’lum miqdordagi o‘yinlarda to‘p sursa, ufaliklar Ostonni sotib olish majburiyatini olishadi.

20 yoshli o‘zbekistonlik yarimhimoyachi 18 avgust kuni "Ufa" klubida tibbiy ko‘rikdan o‘tgan edi.

Ma’lumot uchun, O‘runov 2020-yilda "Ufa"dan "Spartak" safiga 1,5 million yevroga o‘tishi haqida xabar qilingan, bir yil o‘tib ufaliklar Ostonni ortga qaytarmoqchi bo‘lganida futbolchi uchun 3 million yevro so‘rashgandi. O‘runovning Moskva klubidagi yillik maoshi 600 ming yevroni tashkil etardi.