“Davlat oliy taʼlim muassasalariga moliyaviy mustaqillik berish chora-tadbirlari toʻgʻrisida”gi Prezident qarori (PQ–61-son, 24.12.2021-y.) qabul qilindi.

Qaror bilan moliyaviy mustaqillik berilayotgan 35 ta davlat OTM roʻyxati tasdiqlandi.

Moliyaviy mustaqil davlat OTMlari 2022-yil 1-yanvardan quyidagilar boʻyicha mustaqil qaror qabul qiladi:

- kontrakt qiymatini, toʻlash muddatlarini belgilash va uzaytirish;

- mahalliy va xorijiy professor-oʻqituvchi va mutaxassislarni shartnoma asosida jalb qilish;

- oʻz hisobidan talabalar uchun stipendiya va grantlar ajratish;

- xorijdan oʻquv va ilmiy adabiyotlar, darsliklar, oʻquv qoʻllanmalarni toʻgʻridan-toʻgʻri xarid qilish;

- boʻsh turgan bino va inshootlarda pullik xizmatlar koʻrsatish tartibini belgilash;

- avtotransport vositalarining yoʻl bosish yillik limiti va ularga xizmat koʻrsatish talablarini belgilash.

Shuningdek qarorga koʻra, ichki audit va moliyaviy nazorat xizmatlari uchun davlat OTM xarajatlarini onlayn monitoring qilish imkoniyati yaratiladi.