Isteʼmolchilar huquqlarini himoya qilish agentligiga tarkibida “moʻjizaviy” shifobaxsh xususiyatlar boʻlgan biologik faol qoʻshimchalar reklamasi boʻyicha murojaatlar kelib tushmoqda. Bu haqida Isteʼmolchilar huquqlarini himoya qilish agentligi axborot xizmati maʼlum qildi.

Qayd etilishicha, Agentlik fuqarolarning 460 dan ortiq shu mazmundagi murojaatlarini koʻrib chiqqan. Agentlik tomonidan oʻtkazilgan monitoring davomida BFQ sotish sohasida reklama qonunchiligini buzish bilan bogʻliq 490 dan ortiq holat aniqlangan.

Oʻrganishlar natijasida Agentlik “moʻjizaviy” shifobaxsh mahsulotlarni xarid qilib aldangan isteʼmolchilarga 33 mln 700 ming soʻmdan ortiq mablagʻni qaytarishda yordam bergan.