Yangi yil kechasida qanday ob-havo kuzatilishi toʻgʻrisidagi savollar koʻpchilikni qiziqtiradi. Ushbu savolga Oʻzgidromet yetakchi mutaxassisi Erkin Abdulahatov javob berdi:

«Yangi yil arafalari yaʼni 30-31-dekabrgacha yana 8-9 kun bor va bu kunlar uchun tuziladigan ob-havo prognozlari uzoq muddatli ob-havo prognozlar sirasiga kiradi. Oʻzgidromet vakolati doirasida uzoq muddatli ob-havo prognozlarida aniq muddat uchun yogʻingarchilik boʻlishi koʻrsatib oʻtilmaydi.

Ammo meteorolog va atmosferadagi havo oqimlarining harakatini sinchkov tahlil qilgan mutaxassis sifatida aytish mumkinki, 30-31-dekabr kunlari respublikamizda yogʻingarchilik kutilmaydi».

Demak, respublika aholisi bayramni qorli ob-havosiz kutib olishi mumkin.