Davlat soliq qoʻmitasi raisi Sherzod Kudbiyev Toshkent yoshlar forumi – 2021 doirasidagi yoshlar bilan uchrashuvda taksida kira qilgan davrlarini yodga oldi.

«2007-yilda Mehnat vazirligida yetakchi mutaxassis sifatida ish boshlaganman. Oʻshanda 2007-yildan to 2009-yilgacha kunduz kunlari ishda boʻlsam, oylik yetishmagani sababli, kechki vaqt qizil Tiko rusumli avtomobilimda kira qilardim.

Hozir bir emas ikki nafar haydovchim bor. Toshkentni ulardan yaxshiroq bilaman. Lekin hamma shunday qilishi kerak demoqchi emasman. Bu balki notoʻgʻri hamdir», deya gapirib oʻtdi Kudbiyev.