Uzbekistan Airways talabalar uchun 2021-yil 28-dekabrdan 2022-yil 10-yanvargacha amalga oshiriladigan barcha ichki qatnov aviachiptalariga 50% lik chegirma eʼlon qildi.

Chegirma barcha aviachiptalar uchun faqat ekonom-klass tariflarida amal qiladi va oʻz shahridan uzoqda joylashgan oliy oʻquv yurtlarining kunduzgi boʻlimida tahsil olayotgan talabalarga taqdim etiladi.

Chegirmali aviachipta olish uchun yoʻlovchi talabalik guvohnomasi va oliy oʻquv yurti dekanatidan maʼlumotnoma taqdim etishi kerak.

Shuningdek, bir nechta chegirmalarni umumlashtirish mumkin emas.