Denovdagi savdo majmuasida yuzaga kelgan chaqnash hodisasi boʻyicha tergov qilinayotgan jinoyat ishi doirasida 3 kishi qamoqqa olingan. Bu haqida Bosh prokuratura matbuot kotibi xabar bermoqda.

Qayd qilinishicha, 15-dekabr kuni Denov shahar gaz boʻlimi boshligʻi, Hududgaz Surxondaryo gaztaʼminotining 2 nafar xodimlari jami 3 nafar shaxsga Jinoyat kodeksining 116, 214-moddalari bilan ayb eʼlon qilinib, “qamoqqa olish” ehtiyot chorasi qoʻllanilgan. Dastlabki tergov harakatlari davom etmoqda, deyiladi xabarda.