28 avgust kuni Rossiya Federasiyasi poytaxti Moskva shahrida tashkil etiladigan professional boks kechasida Hasanboy Do‘smatov ringga chiqishi va shu kuni tanzaniyalik 23 yoshli bokschi Yoxana Mchanjaga qarshi jang o‘tkazishi lozim edi. Ammo, kutilmaganda ushbu jang bekor qilindi, deya xabar bermoqda rasmiy manbalar.

   Afrikalik charm qo‘lqop ustasi Yoxana Mchanja faoliyati davomida 15 ta jang o‘tkazgan. Hisobida 12 g‘alaba va 3 mag‘lubiyat bor. Raqiblarini 10 ta jangda muddatidan avval mag‘lubiyatga uchratgan.

   Hozircha Do‘smatov — Mchanja jangining bekor qilinishi sababi ma’lum emas.