Kecha Tokioda yakunlangan XXXII Olimpiya o‘yinlari doirasida Xalqaro olimpiya qo‘mitasining sessiyasi bo‘lib o‘tdi. Unda XOQ Sportchilar komissiyasiga saylangan nomzodlar qasamyod qildi.

Xususan, ispaniyalik Pau Gasol (basketbol), italiyalik Federika Pellegrini(suzish), yaponiyalik Yuki Ota (qilichbozlik) va polshalik Mayya Martina Vloshovska (velosport), finlandiyalik Emma Terxo, shuningdek, Xalqaro olimpiya qo‘mitasi prezidenti Tomas Baxning tavsiyasi bilan a’zolikka tayinlangan keniyalik regbichi Xamfri Kayanjning XOQ ijroqo‘m a’zosi sifatidagi qasamyodi qabul qilindi.

Eslatib o‘tamiz, XOQning Sportchilar komissiyasida bo‘shab qolgan 4 o‘ringa ko‘rsatilgan 30 nafar nomzod orasida Oksana Chusovitina ham bor edi. Ammo hamyurtimiz komissiya a’zoligi uchun yetarli ovoz to‘play olmadi.