Бош прокуратура ҳузуридаги иқтисодий жиноятларга қарши кураш департаменти Самарақанд вилояти бошқармаси ҳамда Давлат хавфсизлик хизмати бошқармаси ҳамкорлигида Самарқанд шаҳрида тезкор тадбир ўтказилган.

Унда “Микрокредитбанк” филиали раҳбари, 1982-йилда туғилган фуқаро Самарқанд шаҳрида жойлашган МЧЖга 2 млрд. сўм кредит ажратиб бериш учун тадбиркордан 10 минг доллар пора талаб қилган ва 6 минг доллар олаётган вақтда ашёвий далиллар билан қўлга олинган.

Ҳозирда мансабдорга нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.