25 май куни Олимпия шаҳарчасида мактаб битирувчилари учун шоу-кечаси ташкил этилади. Бу ҳақда Тошкент шаҳар ҳокимлиги хабар берди.

Йилнинг энг ёрқин ва энг катта битирув кечаси бўлишини ва унутилмас атмосферани назарда тутутган ушбу тадбир соат 18:00 да меҳмонларни бепул қарши олади. Шоу-дастуридан юлдузли саҳна, 20 дан ортиқ санъаткорлар чиқиши ва тренддаги ҳитлар ўрин олган.

«Бу оддий концерт эмас. Бу — 11 йиллик мактаб ҳаётининг энг чиройли финали. Бу — дўстлар билан сўнгги қўнғироқ хотираларини катта саҳнада нишонлаш имконияти. Дўстларингиз билан келинг ва бу оқшомни бир умр эсда қоладиган лаҳзаларга айлантиринг!», дейилади хабарда.