АҚШ президенти Дональд Трамп Наврўз байрами муносабати билан Шавкат Мирзиёевга табрик йўллади. Бу ҳақда Президент матбуот хизмати маълум қилди.

Дональд Трамп ўз табригида Америка Қўшма Штатлари ҳалқи номидан Шавкат Мирзиёев ва бутун Ўзбекистон ҳалқини ажойиб Наврўз айёми билан муборакбод этиб, бу барча учун тинчлик, фаровонлик ва янгиланиш байрами эканини қайд этади.

"Мамлакатларимиз ўртасида мустаҳкам ришталар ўрнатилаётганлигини юксак қадрлайман ва Сизнинг изчил ислоҳотлар дастурингизни олқишлайман. Савдо алоқаларимизни кенгайтириш ва замонамизнинг энг йирик муаммоларини ҳал этиш йўлида ҳамкорлик қилишни интиқлик билан кутаман" - дейди АҚШ президенти.

Трамп шунингдек, буюк давлатларимиз равнақ сари интилаётган бир пайтда, Америка Қўшма Штатлари Ўзбекистоннинг суверенитети, мустақиллиги ва ҳудудий яхлитлигини доимо қўллаб-қувватлашга содиқ бўлиб қолишини таъкидлаган.

Аввалроқ Россия президенти Владимир Путин ҳам Шавкат Мирзиёевга байрам табригини юборган эди.