Туркиянинг Байрактар ТБ3 аппарати биринчи учувчисиз ҳаво воситаси сифатида жаҳон авиация тарихига кирди. У кеманинг қисқа йўлагида учиш ва қўнишни муваффақиятли амалга оширган.

Байкар компанияси баёнотига кўра, Туркиянинг миллий Байрактар ТБ3 ҳаво аппарати учиш ва қўниш синовидан муваффақиятли ўтиб, авиация тарихида янги саҳифа очган. Учувчисиз ҳаракатлана оладиган аппарат билан жиҳозланган ушбу ҳаво воситаси ТCГ Анадолу кемасидаги каби тор йўлакда учиб-қўнишни амалга оширадиган илк аппарат саналади.