Қирғизистон президент Садир Жапаров 5 ноябрь куни Бишкекда Туркия етакчиси Ражаб Тоййиб Эрдўғон билан музокарадан сўнг Туркия Қирғизистоннинг мамлакат олдидаги ташқи қарзидан кечганини маълум қилди.

“Ҳурматли президент Эрдўғонга Қирғизистон Республикасининг Туркия Республикаси олдидаги ташқи қарзини ҳисобдан чиқариш тўғрисида қабул қилинган қарор учун алоҳида миннатдорлик билдирмоқчиман”, — дейди Жапаров.

Қирғизистон президенти матбуот хизмати раҳбарининг аниқлик киритишича, қарз миқдори 58,8 миллион долларни ташкил этган бўлиб, у  “яшил иқтисодиёт” лойиҳаларини амалга ошириш эвазига ҳисобдан чиқарилган.