25 октябрь куни Қирғизистон Жўқорғи Кенгеси (парламенти) спикери Нурланбек Шакиев мамлакат мадҳияси қайта ёзилишини маълум қилди.

Унга кўра, жорий мадҳия Совет иттифоқи парчаланган даврда тасдиқланган бўлиб, уни куйлаш мураккаб бўлгани учун барча қирғизлар ҳам айта олмаган. Эндиги мадҳия эса содда, биринчи синф ўқувчисидан то 85-90 ёшли қирғизгача айтоладиган даражада оддий бўлиши керак.

“Энди биз тўлақонли оёққа турган давлатмиз. Шунинг учун биз мадҳияни бутун мамлакат фуқаролари куйлайдиган мадҳияга ўзгартиришимиз керак. Бу Жўқорғи Кенгесининг ҳуқуқи ва бурчидир” — дейди Шакиев.

Маълумот учун, Қирғизистон Республикаси байроғини ўзгартириш ташаббускори ҳам спикер Нурланбек Шакиев бўлган.