Афғонистон ва Ўзбекистон чегарасида жойлашган Термиз халқаро савдо марказининг биринчи қисми очилди.

У Термизда жойлашган. Бироқ, ҳозирча фақат биринчи босқич очилган. Лойиҳанинг тўлиқ ишга туширилиши 2023 йилнинг I чорагида режалаштирилган.

Савдо маркази раҳбари Бахтиёр Рўзиофнинг айтишича, қўшма бозор икки давлат ишбилармонлари ўртасида иқтисодий ва савдо ҳамкорлигини ривожлантириш мақсадида ташкил этилган.

Бозорда тўрт минг дўкон, соғломлаштириш маркази, ресторан, ишлаб чиқариш ва логистика учун алоҳида майдон мавжуд бўлиб, дўкон ўз фаолиятини бошлади.

Таъкидланишича, ушбу савдо бозорининг барча қисмлари иш ниҳоясига етказилгач, Афғонистон фуқаролари ушбу бозорга визасиз кириб, ўн кунгача қолишлари мумкин.

Маълумотларга кўра, ушбу йирик лойиҳага камида 75 миллион доллар сармоя киритилиб, Афғонистон ва Ўзбекистон савдогарлари учун йирик савдо обектлари яратилган.

“Аллоҳ хоҳласа, бу бозор тез орада очилади ва бу икки давлат савдоси учун яхши қадамдир”, деди савдогар Назер Аҳмад.

Ўзбекистон расмийларига кўра, Ўзбекистонда камида 10 минг афғон истиқомат қилади ва уларнинг аксарияти савдо-сотиқ билан шуғулланади.