Бош прокуратура ҳузуридаги Департамент томонидан Фарғона ва Тошкент вилоятларида табиий газдан ноқонуний фойдаланиш ҳолатлари аниқланди.

Қайд этилишича, Қувасой шаҳрида “Q” МЧЖ раҳбари Ш.К. томонидан пишиқ ғишт ишлаб чиқариш фаолияти давомида 2,4 млрд сўм, Учкўприк туманида “A.I.” МЧЖни норасмий бошқариб келган А.Э. томонидан 2 млрд сўм ҳамда Бўстонлиқ туманида оҳак ишлаб чиқарувчи яширин цехлар ташкил этган Х.Н.томонидан давлат ва жамият манфаатларига 582,4 млн сўм зарар етказилганлиги аниқланган.

Ҳозирда мазкур ҳолатлар юзасидан Жиноят кодексининг 28, 185-2-моддаси (электр, иссиқлик энергияси, газ, водопроводдан фойдаланиш қоидаларини бузиш) билан жиноят иши қўзғатилиб, тергов ҳаракатлари ўтказилмоқда.