Ўзбекистон миллий терма жамоаси ФИФА кунлари доирасида 23 сентябрь куни Камерунга қарши ўртоқлик ўйинини ўтказди.

Жанубий Кореяда ташкил этилган баҳсда Сречко Катанец шогирдлари 2:0 ҳисобида ғалаба қозонди. Миллий терма жамоанинг голларига Ҳожимат Эркинов ва Остон Ўрунов муаллифлик қилди.

Қайд этиш керак, Камерун ЖЧ—2022 йўлланмасини қўлга киритган. Жамоа ноябрь-декабрь ойларида Қатарда бўлиб ўтадиган мундиалда қатнашади.

Ўзбекистон МТЖ навбатдаги учрашувини Коста-Рикага қарши ўтказади. Коста-Рика ҳам ЖЧ—2022 иштирокчиси ҳисобланади.

Ўртоқлик ўйини, 23 сентябрь

Ўзбекистон — Камерун 2:0

Голлар: Ҳожимат Эркинов, 25; Остон Ўрунов, 76.