Хитойнинг собиқ адлия вазири, ўз вақтида мамлакатнинг нуфузли сиёсатчиларидан бири бўлган Фу Чженхуа ўлим жазосига ҳукм қилинди.

Суд ҳукмида айтилишича, у хизмат мавқейидан фойдаланиб 16,5 млн доллар атрофида пора олган, бундан ташқари, бир қатор жиноятларни содир этган укасини жазодан сақлаб қолиш учун далилларни йўқ қилган.

Суд ҳукмига кўра, маҳкумга икки йил муддат берилади, агар бу муддат давомида ўзини яхши тутса, ўлим жазоси умрбод қамоқ жазоси билан алмаштирилади. Бунда қамоқ муддати қисқартирилмайди, афв этилмайди.

Маълумот учун, Фу Чженхуа 2018—2020 йилларда адлия вазири лавозимида ишлаган.