Тошкент шаҳрида фуқаронинг жарималари учун Cobalt автомашинаси хатланди. Бу ҳақида Мажбурий ижро бюроси хабар берди.

Таъкидланишича, йўл ҳаракати қоидаларини бузгани учун А.Анваровга нисбатан йўл ҳаракати хавфсизлиги бошқармаси ходимлари томонидан жами 63 та маъмурий баённома тузилган. Жарималарнинг умумий суммаси 50 миллион сўмни ташкил этган.

Бюро томонидан қарздор фуқарога тегишли бўлган Cobalt русумли автотранспорт воситаси хатланиб, 50 миллион сўм миқдоридаги маъмурий жарималар тўлиқ ундирилган ва ижро иши Қонуннинг 41-моддасига асосан тамомланган.